快捷搜索:  小钰  as  赵梦玥

星级甲子园

女士们爱美,仲要由头靓到落脚趾尾,除了做facial,手甲、脚甲都要执到靓一靓。

中环星级美甲店Eightyeight的美甲师陈嘉祺(Nicky),有不少名人捧场客,赌王千金何超莲、何超盈、郑欣宜、吴雨霏、文咏珊等都爱搵她执靓对手。访问当日,仁济前主席严玉麟女儿严纪雯(Carmen)正在店内美甲,她笑说:「Nicky做款好靓,好特别,唔会同人撞,出面嗰啲好cheap,呢度係星级享受。」

为十只指甲扮靓,落楼盛惠$700至$1,600,价钱果然好星级。

美甲师Nicky(右)如魔法师,为Carmen(左)的十只指甲大变身。

 

 

Carmen拣紫色的云石纹加闪石,Nicky为她拆下旧甲和磨甲,去死皮,以透明gel底,再上三至四层颜色,需时约三小时。盛为$1,200。

 

超莲好友善

叫得做「星级」,美甲师和客人一定有番咁上下份量。美甲师Nicky一双巧手加无穷的创意,为小小的指甲上色画花,好考功夫。Carmen过两日要参加婚礼做姊妹,这天放工后,特登来美甲,她拣了云石纹和大粒的闪石,「我通常两至三星期上来一次,每次都会做手同脚。呢度用嘅都係靓嘢,如果用啲质量差嘅甲油,会令到指甲发黄、变软及容易受细菌感染。之前帮衬过嗰啲质素就差啲,图案手工都冇咁靓,呢度啲图案唔会同人撞,好特别。」

能令到Carmen讚不绝口,Nicky自有其耍家本领,当中的galaxy(银河系)、独角兽、gummy bear系列是名人的热捧款式,超盈和超莲都曾亲身体验。

做人圆滑的Nicky,口中的每位「贵」客都好到不得了,她大讚超莲好友善,「佢通常两至三个月嚟一次,佢好有个人的风格,会谂定整乜,锺意清啲、浅色,有时会混合几款图案,会好留意每一个步骤,佢真係好nice,会同我倾偈,关心吓我近况,问我辛唔辛苦。佢啲指甲属于硬身,可以做soft gel,唔会咁易断同烂。」

而超盈则最有潮流触觉,「佢好忙,通常做之前几日至打来book,等waiting list插期。佢会问我o依家最兴乜嘢款,睇完sample,再自己拣色,好爽快。佢修甲时锺意煲剧,通常睇欧美剧,我哋唔会打扰佢,畀佢自己relex吓。」Nicky知情识趣,自然被加分。

您可能还会对下面的文章感兴趣: