快捷搜索:  小钰  as  赵梦玥

李锦联做深水埗「鸡王」

廿五年来,喺无綫《都市闲情》入面,担任烹饪主持嘅名厨李锦联(Ben哥),深得全港煮妇嘅爱戴;不过,佢于两年前决心离巢,出去自立门户。东姑知道佢最近就去咗深水埗嘅某大广场,开咗间小店,叫做「Ben哥厨房」,主力卖「海盐鸡」,听闻间店做咗一阵就出晒名,日日吸引好多人去「叫鸡」食。日前下午,东姑都谂住去买番只鸡,返屋企歎,点知撞正一大班煮妇买鸡做晚餐,搞到排晒长龙,客似云来。随住门外「叫鸡」声音不绝,李锦联就更加手起刀落,只手好似上咗摩打咁起势斩鸡,真係斩足几个钟完全冇停手,除咗一名女助手之外,仲要出动埋姪仔负责收钱。李锦联同东姑讲,早排中秋佳节好多人订鸡,佢一日至少斩二百几只咁滞;但佢就话辛苦得嚟开心嘅,皆因最重要係提供到好味嘅食物畀大家。此外,佢又表示舖头仲有好多招牌菜,希望市民可以用贴地嘅价钱,食到高质嘅食物咁话。李锦联更透露已经有人搵佢合作,再拍烹饪节目,如果成事嘅话,fans真係要拭目以待。

李锦联间专卖「海盐鸡」嘅舖头,位于深水埗某大型商场,店外成日好多人排队「叫鸡」食o架。

 

早排中秋节,李锦联要日斩二百几只鸡,几乎日做十二小时咁滞。

 

东姑见佢斩鸡、煮鸡之外,仲要教助手煮餸,真係冇时停。

 

李锦联透露好多《都市闲情》嘅煮妇粉丝,得闲都会去探佢o架。

 

因为舖头唔太大,所以平时只有李锦联同女助手坐镇,生意畅旺时,则出动埋姪仔帮手。

 

您可能还会对下面的文章感兴趣: