快捷搜索:  小钰  as  赵梦玥

瘦身男女-产后妈妈杨爱瑾

一讲到减肥,唔少人就藉口多多,既懒得做运动,又忍唔到口,导致体重不跌反升。

但近日圈中不少名人却成功减磅,方式千奇百趣,当中有专门给产后妈妈用的束腰瘦身法、又有唔使郁都减到磅的「轻断食减肥法」,亦有一定难度的增肌塑身法,种种方法都瘦得出色,有埋人办你睇,学嘢喇喂!

杨爱瑾身形偏瘦,即使怀孕时亦肥肚不肥人,产后束肚收身,好快见效。

 

杨爱瑾束肚晒纤腰

身形一向纤瘦的杨爱瑾(Miki),今年三月生完囝囝Luken后,都不敌孕妇宿命,想减磅回复苗条。手脚依然纤幼的她,专攻腰位,仲搵来曾帮徐子淇、关心妍、车婉婉等名人收身的前艺人、产后扎身师吴美芝帮她进行「束身包扎疗法」,短短十日已经炼成A4腰,快成咁,生多几个都无有怕啦。

 

 

束肚过程虽辛苦,但成效相当显着,杨爱瑾表示:「差唔多回复之前嘅我,下一步要去做运动、跑步、游水同举重。」

 

森美断食减廿磅

去年被影到于海滩晒猪腩肉的森美,为进行大反击,不惜瞓身学打泰拳数个月增肌,更以「轻断食法」严格控制饮食,三个月内减走二十磅,瘦到好似刘华咁,几辛苦都要大叫一声:「值呀!」

「一般嘅减肥法虽然可以减卡路里,但同时都减慢咗新陈代谢,脂肪亦好难去除。『轻断食法』唔係叫人断食,而係严格控制进食时间,唔使特别节食,例如我定咗每日只有六至八个钟係正常进餐时间,呢八个钟以外嘅时间就完全唔可以食嘢,身体就会喺晚餐之后,有十几个钟头去消化,体内血糖减少,会更快燃烧脂肪,再加埋一定嘅运动量,减肥就会好有效!」

森美为拍无綫台庆剧《夸世代》,密密练拳操肌,「为拍剧要除衫打拳,要谷走条士啤軚!」

 

森美过去的身形比较「大件」,面形又圆碌碌,一副邻家大哥哥咁款。

 

您可能还会对下面的文章感兴趣: