快捷搜索:  小钰  as  赵梦玥  兽兽

谢贤(四哥)內地女友CoCo照片曝光

一生风流嘅谢贤(四哥),早前因探访操劳过度而入院嘅前妻甄珍,而传出二人再续前缘,并有意到巴黎再婚。虽然,甄珍已第一时间否认︰「无聊!」又强调大家只係老朋友聚聚;但佢嘅闺蜜圈却盛传两人的确已经翻挞。
不过,上周二(二十日),东姑喺中环就发现四哥内地女友CoCo嘅芳踪。由于,两人分隔香港同上海,一年见得嗰几次面,所以经常传出感情转淡嘅消息,今次CoCo忽然现身香港,唔知係咪感到异常,所以急急来港箍煲呢?
其实,四哥向来对CoCo呵护备至,每次来港,唔单止照顾佢嘅起居生活,更安排司机送佢去名店shopping。当日,识食识歎嘅CoCo,就吩咐男友嘅七人车司机,送佢去四季酒店。原来,佢相约咗一名女士及一名小男孩歎下午茶。歎到下午五点,佢哋从酒店离开,一身黑look嘅CoCo,戴住副黑超,手挽个Hermès手袋,贵气十足;而条黑色legging仲有条透明边,隐隐约约显露性感。上咗七人车后,CoCo先送朋友返蒲飞路嘅屋企,继而就直驱回四哥浅水湾嘅寓所,校啱时间陪男友食晚饭,以防畀人摄位。

戴上cap帽及黑超嘅CoCo,上周来港会四哥;期间,佢趁空档约友人到酒店歎下午茶。

 

一支箭登上四哥名下白色七人车嘅CoCo,犹如女主人一样。

 

由于四哥与内地女友CoCo,分隔香港同上海,一年见得嗰几次面,所以经常传出感情转淡嘅消息。

 

早前,甄珍因身体不适入院,前夫四哥亲自送花探望,因而传出二人再续前缘。

 

甄珍出院后,相约四哥及一众好友茶敍,关係愈来愈亲密。

 

您可能还会对下面的文章感兴趣: