快捷搜索:  小钰  as  赵梦玥  兽兽

李天翔「爱妻号」吸烟远离老婆

因为经常喺剧集中饰演反派,兼拍过唔少强姦戏,令李天翔有个好爆嘅封号叫无綫「御用强姦犯」。从外表睇佢一副奸仔样,演出穷凶极恶之人,的确入型入格。不过,现实生活中,一七年佢同拍拖六年嘅圈外女友谭宝怡(Bobo)结婚,唔单只专一长情,私下仲係「爱妻号」。

早前,东姑就喺九龙城,发现佢同太太好恩爱结伴行街,全程佢同老婆都十指紧扣;尤其是过马路时,佢特别窝心照顾另一半,拖到老婆实一实。不过,期间佢都有好唔捨得,鬆开老婆隻手。睇真啲,原来烟瘾到,佢揸住烟一路行一路食,为避免太太吸二手烟,无奈之下保持少少距离⋯⋯一阵咁多啦!

同太太Bobo拍拖六年、结婚两年嘅李天翔,现实中係出名嘅「爱妻号」,拖住老婆出现喺九龙城行街。

 

全程佢同老婆都十指紧扣拖到实,表现十分之恩爱。

 

直到李天翔点起烟,先鬆开老婆隻手,相信係为免老婆吸到佢啲二手烟嘞。


您可能还会对下面的文章感兴趣: